Janubiy Koreya rejalashtirish bo‘yicha milliy maslahat qo‘mitasi prezident Mun Chje Inning davlat sektorida 810 ming yangi ish o‘rni yaratish bo‘yicha saylovoldi vazifasini bajarish uchun mablag‘ qidirishga kirishdi. Bu haqda mamlakat moliya va davlat rejalashtirilishi vazirligi hisobotida ma’lum qilindi, deya xabar beradi “TASS”.
Hujjatda mazkur maqsadlar uchun jami 178 trillion von yoki 159 milliard dollar talab etilishi bildirilgan. Bundan 100 milliard dollarni budjet xarajatlari kamaytirilishi va moliyaviy islohot o‘tkazilishi hisobiga topish mo‘ljallangan.
Qolgan 59 milliard dollar soliq tushumlari hisobiga to‘planishi ko‘zda tutilmoqda. Biroq, vazirlikka ko‘ra, soliqlarni oshirmay buni uddalash qiyin bo‘ladi.
Ma’lumot uchun, Janubiy Koreyada ishsizlar soni joriy yili 2000-yildan beri birinchi marotaba million kishidan oshdi va mehnatga layoqatli aholining 3,7 foizini tashkil etdi.
Izoh (0)