Argentina hukumati yana bir kreditorlar guruhi bilan 162,75 million dollar qarzni uzish yuzasidan kelishib oldi. Bu haqda Buenos-Ayres va kreditorlar o‘rtasidagi muzokaralarda vositachilik vazifasini o‘tayotgani Daniel Pollak ma’lum qildi, deya xabar beradi “TASS”.
“Argentina Respublikasi 30-may kuni HWB Entities nomi bilan tanilgan va Lyuksemburg hamda Virgin orollarida qo‘nim topgan bir necha yirik investitsiya fondlari bilan o‘n yilga cho‘zilgan tortishuvni bartaraf etishga muvaffaq bo‘ldi. Ularga 162,75 million dollar to‘lab beriladi”, — deyiladi Pollakning bayonotida.
Pollakka ko‘ra, mazkur kelishuvni ham hisobga olganda defolt obligatsiyalari kreditorlari da’vosining 98 foizi hal etildi, deb hisoblash mumkin. HWB Entities bilan kelishuv esa Buenos-Ayres 2016-yil fevralida boshqa kreditorlarga taklif etgan shartlarda tuzilgan.
Izoh (0)