15–16 май кунлари Тошкент ва Самарқанд шаҳарларида «Ўзбекистон маданий мероси — халқлар ва маданиятлар ўртасидаги мулоқотга йўл» мавзуидаги халқаро конгресс бўлиб ўтди. Бу ҳақда UzNews хабар бермоқда.
Шу икки кун ичида тилга олинган шаҳарлар 40 мамлакатдан ташриф буюрган 370 иштирокчи учун мулоқот майдонига айланди. У ерда олимлар археология, нумизматика, тарих, амалий санъат ва бошқа соҳалардаги охирги янгиликлар билан ўртоқлашди.
Конгресс якунларига кўра Ўзбекистон маданий меросини асраш ва оммалаштириш бўйича Бутунжаҳон илмий жамиятини яратиш зарурлиги юзасидан резолюция қабул қилинди. Ушбу резолюцияни ЮНЕСКОнинг Ўзбекистондаги ваколатхонаси раҳбари вазифасини бажарувчи, ЮНЕСКОнинг Қозоғистон, Қирғизистон ва Тожикистон бўйича кластер бюроси директори Криста Пиккат Самарқанднинг Регистон майдонида ўқиб эшиттирди.
Халқаро конгресс Регистон майдонидаги ёрқин мусиқий 3D-mapping шоуси билан якунланди.
Изоҳ (0)