Моуриньо: «Аякс» финалгача 12 кун дам олади, биз эса бу пайтда 3 та ўйин ўтказишга мажбурмиз

Европа лигаси ярим финалининг «Сельта»га қарши жавоб ўйинидан сўнг «Манчестер Юнайтед» бош мураббийи Жозе Муоринё матбуот анжуманида билдирган фикрлар «Чемпионат»да ўз аксини топди.

Биз биринчи ўйинда ҳақли ғалабага эришган бўлсак-да, жавоб ўйини учун интрига сақланиб қолганди. Биз билан тенгма-тенг кураша олган «Сельта» футболчилари олқишга лойиқ.

14 беллашувдан сўнг биз финалга қадар етиб келдик. Унда ғалаба қозонсак, ўзимни бахтли ҳис қиламан. Бу жуда ажойиб бўларди.

Жозе Моуриньо, «Манчестер Юнайтед» бош мураббийи

24 май куни бўлиб ўтадиган финал олдидан Жозе Моуриньо фикр билдирди. Унинг айтишича, рақиб томонда тикланиб олиш учун имкониятлари етарли. Шу томондан олиб қараганда, «манкунианлар»га осон бўлмайди.

«Аякс»дек ёш ва кучли жамоа билан ўйин осон бўлмайди. Мавсум якунида финалга тайёргарлик учун «Аякс»да 12 кун вақт бўлади. Биз эса бу кунлар ичида яна 3 та беллашув ўтказишимиз керак бўлади.

Жозе Моуриньо, «Манчестер Юнайтед» бош мураббийи