Британия Rolls-Royce автомобиль ишлаб чиқарувчиси фақат БАА бозорида намойиш этилувчи Wisdom коллекциясини ишлаб чиқди. Бу ҳақда Luxurylaunches хабар бермоқда.
Wisdom линейкасидаги ҳар бир модель ягона нусхада тақдим этилган.
Коллекцияга бир нечта вариантдаги дизайн киритилган. Phantom оқ-олтин рангида ишланган ва гуллар билан безатилган. Уни яратиш учун 400 соатга яқин вақт кетган.
Шунингдек, дизайни қадимий савдо йўлларидан илҳомланиб яратилган Ghost автомобили седан линейкасидан жой олган. Коллекцияга кузови кўк, кумуш ранг ва оч жигар рангларга бўялган Dawn кабриолети ҳам кирган.
Аввалроқ 2017 йилнинг январида компания Phantom моделининг иккита эксклюзив нусхасини чиқарилиши ҳақида маълум қилган эди. Автомобиллар хитойлик миллиардер Стивен Хун буюртмасига асосан яратилган.