Франция озғин моделлардан воз кечди. Энди моделлик билан шуғулланмоқчи бўлган қизлар тана вазн индекси меъёрда эканлиги ҳақида тиббий маълумотнома тақдим этиши керак. «РИА Новости» ноодатий услубдаги моделлар фотожамланмасини тақдим этди.
Жиллиан Меркадо
Фото: «РИА Новости»Жиллиан мушаклар атрофиясидан азият чекади. Қиз ногиронлик аравасига михланган. У Diesel кастинги учун ортиқча умид қилмасдан ариза жўнатганидан кейин моделга айланди. Бренд жамиятнинг турли маданий қатламларини акс эттириш учун ёш ностандарт моделлар излаган. Натижада Меркадо бренд коллекциясининг юзи сифатида танланган.
MOffY
Фото: «РИА Новости»MOffY’нинг ғилайлик касаллиги унинг моделлик бизнесида муваффақиятга эришишига ёрдам берган. Қиз POP Magazine журнали учун суратга тушган ва номаълум агентлик билан шартнома имзолаган.
Стивен Томпсон
Фото: «РИА Новости»Стивен Томпсон ҳеч қачон моделлик карьераси ҳақида орзу қилмаган, бироқ тақдир йигитни унинг суратларини журналга жўнатган фотографга тўғрилади. 2011 йилда Томпсон Givenchy модалар уйининг юзига айланди.
Винни Харлоу
Фото: «РИА Новости»Винни Харлоу камёб витилиго касаллиги билан туғилган. Унинг танаси йирик оқ доғлар билан қопланган. Бугунги кунда қиз Nike, Desigual, Ashish каби фирмалар билан ҳамкорлик қилувчи моделга айланган.
Дафна Селф
Фото: «РИА Новости»Дафна Селф 1950 йилдан буён модель бўлиб ишлайди. 89 ёшли аёл Буюк Британиянинг Dolce & Gabbana, Tata-Naka ва Мichiko Koshino каби брендлар намойишида иштирок этган энг ёши катта модели ҳисобланади.
Жек Айерс
Фото: «РИА Новости»Жек Айерс Нью-Йорк мода ҳафталигида иштирок этган тарихдаги биринчи протез оёқли модель ҳисобланади.
Мадлен Стюарт
Фото: «РИА Новости»
Даун синдромига йўлиққан ёш модель бутун умри давомида ортиқча вазн билан курашади. Мадлен Manifesta ва everMaya брендларининг юзига айланган ва ўз машҳурлигидан Даун синдроми билан туғилган кишиларга нисбатан жамиятнинг муносабатини ўзгартириш учун фойдаланмоқда.
Изоҳ (0)