29 ёшли мураббий «Хоффенхайм» клубини тарихда илк бор Чемпионлар лигасига олиб чиқди
Германиянинг «Хоффенхайм» клуби келаси мавсум ўз тарихида илк бор Европа Чемпионлар лигаси мусобақасида иштирок этади.
Бундеслиганинг 31-турида 29 ёшли мутахассис Юлиан Нагельсманн бошқараётган клуб минимал ҳисобда зафар қучди. Ягона гол ўйиннинг сўнгги дақиқасида киритилди.
Эслатма. Нагельсманн 2016 йил якунларига кўра Германияда йил мураббийи сифатида тан олинганди.
Ғалаба «Хоффенхайм»ни 3-ўринга олиб чиқди. Бу Чемпионлар лигасига тўғридан-тўғри йўлланма деганидир. Чемпионат сўнггига қадар жамоа Дортмунд «Боруссия»си билан мана шу поғона учун рақобатда бўлади. Эҳтимолий 4-ўрин Чемпионлар лигасининг плей-оффига йўлланма беради.
Эслатма. Аввалроқ «Лейпциг» ўз тарихида илк бор Чемпионлар лигасида тўп суриш ҳуқуқини қўлга киритган бўлса, «Бавария» Бундеслига тарихида илк бор кетма-кет бешинчи марта мамлакат чемпионига айланганди.
«Хоффенхайм» — «Айнтрахт» 1:0
Гол: Бенжамин Хюбнер, 90 (1:0).
