Полиция Берлиндаги отишма сабабларини тушунтириб берди

Берлин марказида юзага келган отишма юзасидан полициянинг расмий изоҳлари берилди. Бу ҳақда «РБК» хабар бермоқда.

Бир муддат илгари Берлиннинг марказидаги Кройцберг туманида жойлашган шифохона яқинида номаълум эркак полициячиларга ҳужум қилгани, сўнг полиция ходимлари унга қарата ўт очиб, енгил жароҳатлангани маълум қилинган эди.

#Update:
Der Mann soll unsere Kolleg. auf dem Parkplatz des Urban-Krankenhauses mit einer Waffe bedroht haben.

— Polizei Berlin (@polizeiberlin) April 27, 2017

Полициянинг Twitter’даги расмий саҳифасида чоп этилган изоҳга кўра, эркак полициячиларга қурол билан таҳдид қилган.

Айни пайтда аниқлаштирилишича, эркак оёғидан яраланган. Унга госпиталда тиббий ёрдам кўрсатилган.