Европа лигасининг ярим финал босқичига қуръа ташлаш маросими бўлиб ўтди. Чорак финалдан кейин бу босқичга «Аякс» (Голландия), «Манчестер Юнайтед» (Англия), «Лион» (Франция) ва «Сельта» (Испания) клублари етиб келганди.
Финал остонасида чемпионлик учун асосий даъвогар ҳисобланган «Манчестер Юнайтед» футболчилари Вигонинг «Сельта» клубига қарши кураш олиб борадиган бўлди.
Иккинчи жуфтликни эса «Аякс» ва «Лион» ташкил қилди. Дастлабки ўйинлар 4 май куни бўлиб ўтса, жавоб беллашувлари 11 май кунига тайин қилинган.
Аввалроқ Чемпионлар лигасида «Реал» «Атлетико» билан, «Ювентус» эса «Монако» билан тўқнаш келиши аниқ бўлиб улгурганди.
Изоҳ (0)