Ўзбекистон — Қатар. Меҳмонлар Тошкентда фақат мағлуб бўлган. Самвел Бабаян буни давом эттира оладими?

Ўзбекистон ва Қатар терма жамоаларининг ўзаро ўйинлари статистикаси «Championat.asia» сайтида кўриниш берди.

Статистика устунлик Ўзбекистон терма жамоаси томонида эканини кўрсатиб турибди. Қандай масштабдаги ўйин бўлмасин, қатарликлар Тошкентда фақат мағлуб этилган. Жаҳон чемпионати саралашларининг сўнгги иккитасида қатарликлар шармандали мағлубиятлар билан қайтиб кетган.

ЖЧ саралашлари

Мундиал йўлида Қатар терма жамоаси Ўзбекистонга рақиб бўлишда рекордчи ҳисобланади. Япония ва Жанубий Корея, ЖАР, Бразилия ва мана энди Россия мундиали йўлида мазкур икки терма рақобат ҳосил қилган.

Статистикага кўра, қатарликлар ЖЧ саралашида фақатгина бир марта зафар қучган. Рауф Инилеев бошчилик қилган даврда ўзбекистонликлар Доҳадан 0:3 ҳисобидаги мағлубият билан қайтган. Жавоб ўйинида жамоани Қосимов бошқарган ва дастлабки мағлубият учун реванш олинган — 4:0.

Бу устунлик бугун бўлиб ўтадиган учрашувда ҳеч қандай аҳамият касб этмаслиги мумкин. Қолаверса, Самвел Бабаян бошчилик қилаётган даврда ҳам Ўзбекистон Қатарни сафарда таслим қилишни уддалай олганди — 1:0.

26.08.2001. Ўзбекистон — Қатар 2:1 (ЖЧ—2002 саралаши, Тошкент)28.09.2001. Қатар — Ўзбекистон 2:2 (ЖЧ—2002 саралаши, Доҳа)06.09.2008. Қатар — Ўзбекистон 3:0 (ЖЧ—2010 саралаши, Доҳа)28.03.2009. Ўзбекистон — Қатар 4:0 (ЖЧ—2010 саралаши Тошкент)16.10.2012. Қатар — Ўзбекистон 0:1 (ЖЧ—2014 саралаши, Доҳа)18.06.2013. Ўзбекистон — Қатар 5:1 (ЖЧ—2014 саралаши, Тошкент)06.09.2016. Қатар — Ўзбекистон 0:1 (ЖЧ—2018 саралаши, Доха)

ОК саралашлари

Осиё кубоги саралашида Ўзбекистон ва Қатар битта мусобақа учун икки марта рақиб бўлган. Бу борада кучлар деярли тенг.

01.03.2006. Қатар — Ўзбекистон 2:1 (ОК—2007 саралаши, Доҳа)15.11.2006. Ўзбекистон — Қатар 2:0 (ОК—2007 саралаши, Тошкент)

Осиё кубоги

Қитъанинг энг нуфузли турнирида қатарликлар Ўзбекистонни таслим қилишнинг уддасидан чиқа олмаган. Ливанда бўлиб ўтган 2000 йилги Осиё кубогида Миржалол Қосимовнинг жаримадан урган голи Ўзбекистон термасига 1 очко тақдим этган. 11 йилдан сўнг Қатарнинг ўзида ўтган Осиё кубогининг очилиш ўйинида эса Вадим Абрамов шогирдлари тарихий ғалабага эришган.

14.10.2000. Ўзбекистон — Қатар 1:1 (ОК—2000, Сайда)07.01.2011. Қатар — Ўзбекистон 0:2 (ОК—2011, Доҳа)

Ўртоқлик ўйинлари

Расмий ўйинлар ҳар икки термани бездириб юборганми ёки йўқ — аниқ эмас. Ҳар холда ўртоқлик ўйини бор-йўғи 1 та. Ҳа деганда зафар қучавермайдиган Қатар, ўртоқлик ўйинларига беписанд қарайдиган Ўзбекистон термасини йирик ҳисобда мағлуб этган.

06.10.2014. Қатар — Ўзбекистон 3:0 (Ўртоқлик учрашуви, Доҳа).