Бокс бўйича беш вазн тоифасида жаҳон чемпиони, 40 ёшли Флойд Мейвезер Москва вилоятида ўз номидаги «Бокс академияси»ни очганидан кейин Чеченистон раҳбари Рамзан Қодировнинг махсус таклифга биноан 16 март куни Грозний шаҳрига ташриф буюрди. Бу ҳақда «Sovsport.ru» хабар бермоқда.
Чеченистон раҳбари Рамзан Қодиров афсонавий боксчининг Грознийга ташрифи борасидаги таассуротлари билан Instagram’даги саҳифаси орқали бўлишди.
Қадрли дўстлар! Таклифимга биноан беш вазн тоифасида жаҳон чемпиони, бокс афсонаси, мағлубият аламини тотиб кўрмаган Флойд Мейвезер Чеченистонга ташриф буюрди. Меҳмон билан биргаликла Гудермесдаги «Ахмат» клубининг кўп функцияли спорт мажмуасига келдик. Мейвезер машғулотлар жараёни ҳамда боксчи ва MMA жангчиларининг чиқишларини кузатди, спортчилар билан суҳбатлашди. У Чеченистонда яккакурашлар ривожланиши учун яратилган имкониятларни юқори баҳолади.Рамзан Қодиров, шунингдек, боксчи билан ўзаро ҳамкорлик қилишни бошлаганини маълум қилди.Рамзан Қодиров, Чеченистон раҳбари
Флойд Чеченистонга яна бир бор ташриф буюриб, АҚШдан бокс ва MMA бўйича мураббийлар жамоасини таклиф қилади. Умид қиламанки, бизнинг ҳамкорлигимиз узоқ давом этиб, ўз самарасини беради. Ишончим комил, у каби буюк спортчининг тажрибаси «Ахмат» клуби тарбияланувчилари учун бебаҳо бўлади.«Дарё»нинг Telegram’даги расмий канали — @toshqindaryo’га аъзо бўлинг!Рамзан Қодиров, Чеченистон раҳбари
Изоҳ (0)