Ўзбекистонлик боксчи, Рио—2016 Олимпиадаси чемпиони Фазлиддин Ғоибназаров фаолиятини профессионал боксда давом эттиради, деб хабар берди «Оламспорт».
Шу вақтда қадар АҚШда бўлиб турган чарм қўлқоп устаси бир қатор промоутерлик компаниялари билан музокара олиб бораётган бўлиб, улар орасида машҳур боксчи Мэнни Пакьяо билан ҳамкорлик қилган Боб Арум компанияси ҳам бор эди. Ўзбекистонлик боксчи профессионал майдондаги карьерасини айнан Арум билан бошлашга қарор қилди.
Фазлиддин Ғоибназаровга Оскар Де Ла Хойянинг Golden Boy промоутерлик компаниясининг ҳам оғиз солгани айтилганди. Аммо ўзбекистонлик боксчининг танлови Golden Boy бўлмади.
Шартнома шартлари нималардан иборат экани ва у ўз ичига қандай вазифаларни олиши маълум қилинмаган.
Изоҳ (0)