ОАВ: МРБ учувчисиз учувчи қурилмалар ёрдамида террорчиларни йўқ қилиш ҳуқуқини олди

Марказий разведка бошқармаси (МРБ) учувчисиз учар қурилмалар ёрдамида террорчиликда гумон қилинганларга қарата ҳужум қилиш ҳуқуқини олди. Бу ҳақда The Wall Street Journal маълум қилди, деб ёзади «Ведомости».

АҚШ президенти Дональд Трамп, шу тариқа Барак Обама бошқаруви давридаги махсус хизматга қўйилган чекловни олиб ташлади.

Шу кунгача МРБнинг вазифаси террорчиларни дронлар орқали аниқлашдан иборат эди. Нишонга қарата зарбалар эса ҳарбийлар томонидан амалга ошириларди. Энди ушбу ваколатга МРБ ҳам эга бўлди.

Эътиборли томони шундаки, Пентагон берилган зарбалар ва уларнинг натижаси ҳақида ҳисобот беришга мажбур, МРБ эса ҳеч кимга ҳисобот бермайди. МРБ ва Пентагон вакиллари киритилган ўзгаришларга изоҳ беришдан бош тортди.

Махсус хизмат янги ваколатидан февраль ойи охирида – «Ал-Қоида» террорчилик гуруҳининг Суриядаги етакчиси Абу ал-Ҳейра ал-Масри йўқ қилишда фойдаланди.

Хабарда таъкидланишича, айни вақтда МРБ, Пентагон ва Оқ уй антитеррорчилик стратегияси операциясини ва соҳалар бўйича жавобгарликни муҳокама қилмоқда.

«Дарё»нинг Telegram’даги расмий канали — @toshqindaryo’га аъзо бўлинг!