Бугун,

  • USD 10940.05
  • RUB 182.26
  • EUR 11121.65

Семириш касаллигидан азият чекаётган мисрлик Имон Аҳмад Абдулатий Мумбайда даволанди ва дунёнинг энг семиз аёли мақомидан қутулди, дея хабар бермоқда  «ТАСС».

Унинг вазни уч ҳафтада 488 килограммдан 380 килограммга камайди. Аёл 25 йилдан буён биринчи марта мустақил ўтира олиш имконига эга бўлди ва операцияга тайёр.

Фото: Ren.tv

Фото: Ren.tv

Вазни тахминан 500 килограмм бўлган 36 ёшли аёл 11 февралда Мумбайдаги касалхонага ётқизилган.

Беморни Ҳиндистонга олиб бориш учун махсус операция ташкил қилинди: Аёл Мумбайга EgyptAir авиакомпаниясининг махсус рейсида олиб борилди, аэропортдан касалхонага эса полиция кузатуви остидаги махсус тез ёрдам машинаси ёрдамида етказилди. Беморни касалхона палатасига жойлаштириш учун автокран ёрдамга келди.

Аёл 25 йил давомида уйдан чиқа олмади, ҳаракатлана олмади ва ҳатто ўз ўрнида ҳам қимирлай олмади.

У бирор кишининг ёрдамисиз ҳеч нарса қила олмасди. Мисрлик шифокорлар Абдулатийга ёрдам бера олмади, шунда аёлнинг ота-онаси ҳиндистонлик шифокорларга мурожаат қилди.

«Дарё»нинг Telegram’даги расмий канали — @toshqindaryo’га аъзо бўлинг!

Изоҳ
Асосий янгиликлар