Шимолий Корея бутунлай ёпиқ ва сирларга бой давлат ҳисобланади. Мамлакатдаги ҳаёт тарзини сайёҳлар томонидан олинган суратлар ёрдамида кўриш мумкин. Давлат ҳақидаги ишониб бўлмайдиган маълумотлар вақт ўтган сайин бутун дунёга маълум бўлиб бормоқда. Travelask нашри КХДР ҳақидаги 15 та антиқа маълумотни тақдим этди.
Шимолий Кореяда аёллар учун қонунан рухсат этилган 18 хил, эркаклар учун эса 10 хил соч турмаги бор.
КХДРда чучхе календари амал қилади. Календар давлатни 1948 — 1994 йилларда бошқарган Ким Ир Сеннинг туғилган йили 1912 йилдан бошлаб ҳисобланган, шунинг учун ҳозир давлатда 105 йил ҳисобланади.
Пхеньянда қад ростлаб турган Рюгён меҳмонхонаси баландлиги бўйича дунёда 24-ўринда туради. Бироқ у фойдаланишга топширилмаган, унинг 3000 та хонаси бўм-бўш ётибди.
2014 йилда Ким Чен Ин Choco Pie’нинг оммабоплигидан хавфсираб, уни капитализмнинг рамзи сифатида мамлакатда тақиқлади. Жанубий кореяликлар эса оч қолган шимолий кореяликларга ҳаво шарлари ёрдамида Choco Pie жўната бошлади.
Шимолий Кореяда кўк жинси шим кийиш тақиқланган. У Америка имперализми рамзи ҳисобланади.
Давлатда «уч авлодни жазолаш» мавжуд. Бунинг маъноси шуки, кимдир қамоққа тушса, у билан бутун оила қамоққа кетади, кейинги икки авлод эса қамоқда туғилади ва бутун умрини шу ерда ўтказади.
Шимолий Корея шу даражада кам электр энергияси ишлаб чиқарадики, у коинотдан деярли кўринмайди.
Ким Чен Ир вафот этгандан сўнг минглаб фуқаролар қамоққа олинган. Улар доҳийнинг вафоти учун кам йиғлаганликда айбланган.
Мамлакатдаги ҳар бир уй хўжалиги ва бизнес объектида радио ўрнатилган. У ҳукумат томонидан назорат қилинади ва уни ўчириш тақиқланган.
Ҳар бир ўқитувчи аккордеон чалишни билиши шарт. Бу мусиқа асбоби «миллий» чолғу ҳисобланади, уни дала ишларига олиб бориш мумкин.
КХДР 2015 йилда ўзининг соат минтақасини яратди. Аввал эса мамлакатда Жанубий Корея ва Япония билан бир хил соат минтақаси амал қилган.
2012 йилда мамлакат археологлари Қадимги Корея қироли Тонменга тегишли бўлган шохли от уясини топди.
Шимолий Корея Coca-Cola сотиб олиш тақиқланган икки давлатнинг бири ҳисобланади. Иккинчи давлат эса Куба.
КХДР аҳолиси интернет тармоғига уланиш имкониятига эга эмас. Интернетдан фақат ҳукумат ва давлат ташкилотлари эҳтиёжлари учун фойдаланилади. 2015 йилда интернетга уланган фаол IP-манзиллар сони 1500 тадан ошмаган.
АҚШнинг эгаллаб олинган «Пуэбло» кемаси сайёҳлар ташриф буюрадиган ёдгорликка айланган. Разведка кемаси 1968 йилда қўлга киритилган бўлиб, мамлакат аҳолиси учун Америка империализми устидан қозонилган ғалаба рамзи ҳисобланади.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)