Америкалик актёр Роберт Де Ниро хотини Грейс Хайтауэр унинг кинода ишлаб топган пулларини сарфлаб юбораётганидан жаҳли чиқмоқда. Харажатлар 5 йил аввал очилган ва аста-секин инқирозга учраётган Grace Hightower & Coffees of Rwanda қаҳвахона тармоқларига сарфланмоқда. Бу ҳақда New York Post газетасига асосланиб, «ТАСС» хабар бермоқда.
Нашрнинг қайд этишича, Де Ниро хотини билан Нью-Йорк шаҳридаги барлардан бирида ўтирганида ўз норозилигини билдирган.
Пулларимни беҳуда сарфламаганингда, мен ёқимсиз фильмларда суратга тушишга мажбур бўлмасдим.Grace Hightower & Coffees of Rwanda тармоғи Whole Foods озиқ-овқат дўконлари билан фойдали шартномани бекор қилди. Эътиборлиси, Де Ниро томонидан ташкил этилган «Трайбека» кинофестивалининг бош ҳамкори хотини эгалик қиладиган қаҳвахоналар тармоғи эмас, кофе гиганти Illy саналади.Роберт Де Ниро, актёр
Голливуд фахрийси ўзининг аввалги шедеврларига таққослаганда иккинчи даражали кинокартиналарда суратга тушаётгани учун бир неча бор танқид қилинган. Де Ниро суратга тушган «Енгил табиатли бува» (Dirty Grandpa) «Олтин малина» тақдимотининг «Энг ёмон фильм» ва «Энг ёмон актёр» номинациясида мукофот учун даъвогарлик қилиши бунга яққол мисол бўла олади.
Роберт Де Ниро 100 га яқин фильмларда суратга тушиб, кино соҳасидаги 130 дан ортиқ турли номинацияларга номзоди қўйилган. Актёр икки марта энг нуфузли – «Оскар» мукофоти билан тақдирланган. Биринчиси 1974 йили «Чўқинтирган ота–2» фильмидаги «Энг яхши иккинчи даражали актёр» номинациясида, иккинчиси 1980 йили «Қутурган буқа» (Raging Bull) кинокартинасидаги бош роли учун «Энг яхши актёр» номинациясида қўлга киритилган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)