Жорий йилнинг февраль ойидан эътиборан Ўзбекистон Республикасининг Хусусийлаштириш, монополиядан чиқариш ва рақобатни ривожлантириш давлат қўмитаси ҳудудий органлари раҳбарларининг виртуал қабулхоналари ишга тушди. Бу ҳақда қўмита расмий сайти хабар берди.
Жисмоий ва юридик шахслар хусусийлаштириш, давлат мулки объектларини ижарага олиш, акциядорлик жамиятлари фаолияти, истеъмолчиларнинг ҳуқуқларини ҳимоя қилиш, банкротлик, биржа, баҳолаш ва риелторлик фаолияти ва бошқа масалалар бўйича мурожаатлар ёки шикоятларининг жойида тезкор ҳал этилиши учун qabul.gkk.uz манзили ёрдамида виртуал қабулхоналарга мурожаат қилиши мумкин.
2016 йилнинг 7 ноябрь кунидан Ўзбекистон Республикасининг Хусусийлаштириш, монополиядан чиқариш ва рақобатни ривожлантириш давлат қўмитаси раисининг виртуал қабулхонаси ишга тушган эди. Жисмоий ва юридик шахслар Интернетнинг online.gkk.uz манзили орқали ўз мурожаатларини юбориш имкониятига эга бўлган эди.
Изоҳ (0)