Тошкент шаҳридаги Инҳа университетининг «Компьютер инжиниринги» факультети профессори доктор Абдул Раҳим Носир нуфузли халқаро Great Achievers Award for excellence in engineering education (Муҳандислик таълими соҳасидаги юксак натижалар учун мукофот)ни қўлга киритди. Бу ҳақда университет расмий сайти хабар берди.
Тақдирлаш маросими 2017 йилнинг 10 февраль куни Бангкок (Таиланд) шаҳрида ижтимоий ва иқтисодий ривожланишга йўналтирилган ютуқларни тарғиб қилиш бўйича семинар доирасида ўтказилди.
Доктор Абдул Раҳим Носирга мукофотни қиролича Изабелла Лаффорг, Таиланднинг собиқ Бош вазир ўринбосари Корн Даббаранси, Ҳиндистоннинг собиқ элчиси доктор В.Б.Сони ва Таиланднинг Қонунчилик палатаси маслаҳатчиси Прем Пиясачадешлар топширди.
Доктор Абдул Раҳим Носирга мукофот муҳандислик таълими соҳасидаги эришган натижалари ва 30 йил давомида мазкур соҳага қўшган ҳиссаси учун топширилди.
Абдул Раҳим Носир 30 йил давомида дунёнинг турли университетларида инжиниринг фанидан сабоқ беради. У турли нуфузли мукофотлар эгаси ва турли халқаро ташкилотлар аъзосидир.
Изоҳ (0)