Кувайт бош вазири Ўзбекистон ташқи ишлар вазирини қабул қилди

Расмий ташриф билан Кувайтга етиб келган Ўзбекистон ташқи ишлар вазири Абдулазиз Комилов бошчилигидаги Ўзбекистон делегацияси 8 февраль куни Кувайт бош вазири шайх Жобир ал-Муборак ал-Ҳамад ас-Сабоҳ қабулида бўлди. Бу ҳақда «Газета.uz» хабар бермоқда.

ТИВ раҳбари Кувайт раҳбариятига Ўзбекистон Президенти Шавкат Мирзиёев йўллаган салом ва самимий тилакларни етказди.

ТИВ матбуот хизматида қайд этилганидек, суҳбат чоғида икки томонлама муносабатларнинг, аввало, савдо-иқтисодий, инвестицион соҳалардаги алоқаларнинг ҳолати ва уларни янада ривожлантириш истиқболлари муҳокама қилинди.

Музокараларда томонларни қизиқтирган бошқа икки томонлама ва халқаро масалалар юзасидан ҳам фикр алмашилди.

Эслатиб ўтамиз, ташриф давомида Ўзбекистон делегацияси Ўзбекистон—Кувайт бизнес-форуми ва бошқа қўшма тадбирларда ҳам иштирок этади.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.