Ўзбекистонлик ярим ҳимоячи Азиз Ибрагимов фаолиятини Эрон чемпионатида давом эттиради. Бу ҳақда «Championat.asia» нашри маълумот берди.
Аввалроқ Ибрагимовнинг хизматлари билан «Машинасози» футбол клуби қизиқаётгани айтилганди. Жамоа тиббий кўригидан муваффақиятли ўтган ўзбекистонлик футболчи форсларга маъқул келди ва у билан шартнома тузилди. Унинг шартлари ва қанчага мўлжаллангани очиқланмаган. Аниқ томони «Машинасози» лигада сўнгги ўринни эгаллаб турибди.
Азиз Ибрагимов фаолияти давомида «Трактор», «Шўртан», «Машъал», «Слован» (Словакия), «Богемианс» (Чехия), «Синдао Жонун» (Хитой), «Баник Мост» (Чехия), «Ческе Будейовице» (Чехия), «Андижон», «Динамо» ва «Бухоро» клубларида тўп сурган. У 2016 йилги мавсум «Бухоро» сафида 9 та гол уриб, жамоа тўпурарига айланганди.