Сервер Жепаров
Ўзбекистонлик футбол агенти Санъат Шарипов яқин соатлар ичида Сервер Жепаровга Эрон клуби таклиф билан чиқиши мумкинлиги ҳақида айтганди. Ва ниҳоят форс нашрлари ҳам бу ҳақда жар солди.Tasnim News Agency Теҳроннинг «Истиқлол» клуби Сервер Жепаровни ярим мавсум ўйнатиш учун 800 000 АҚШ доллари тўлашга тайёрлигини билдирган.
Хабарда 34 ёшли ўзбекистонлик футболчи мамлакат терма жамоаси шарафини 121-учрашувда ҳимоя қилиб, 25 та гол ургани, ўз вақтида Жанубий Кореянинг «Сеул» ва «Сеонгнам», Саудиянинг «Аш-Шабаб», Тошкентнинг уч гранди — «Пахтакор», «Бунёдкор» ва «Локомотив» клублари сафида тўп сургани қайд этилган. Шунингдек, фаолиятини Наманганнинг «Навбаҳор» клубида бошлаб, 46 та ўйинда 7 та гол ургани ҳам эътибордан четда қолиб кетмаган.
Маълумот учун, Эрон чемпионатида жамоалар биринчи даврани якунлаган. «Истиқлол» клуби 22 очко билан турнир жадвалида 7-ўринни эгаллаб турибди. Пешқадам «Персиполис» ҳисобида 32 очко бор. Теҳронликлар вазиятни ўнглаш учун Жепаровнинг хизматидан фойдаланиш ниятида.
Фарҳод Тожиев
Тожиевлар оиласининг кичик вакили Фарҳод Малайзиянинг «Т-Тим» клубида сафида гол уришда давом этди. Бироқ унинг жамоа билан шартнома тузиш масаласи ҳалигача тўлиқ ҳал этилмади.
«Championat.asia» маълумотига кўра, Тожиев «Теренггану Сити» клубига қарши ўйинда жамоасининг биринчи голини урган. Кейинроқ эса жамоадошлари яна 4 та гол киритган — 5:0.
Аввалроқ Тожиев бир эмас, икки бор дубл қайд этишга муваффақ бўлганди. Унинг бу хизматлари юқори баҳоланса, Тожиевнинг ойлик-маоши ҳам шундай юқори бўлиши керак. Шундагина ҳужумчи ўзбекистонлик бошқа бир футболчи Дилшод Шарофутдиновга жамоадош бўлади. Сир эмаски, Фарҳод Тожиев «Т-Тим» сафида олдин ҳам тўп сурган.
Қизиқ томони, Тожиевларнинг ўртанчаси Камолиддин ҳам Малайзияда. У «Фелда Юнайтед» сафида кўрикдан ўтаётгани кеча хабар қилинганди.
Виталий Денисов
Ўзбекистон миллий терма жамоаси ҳимоячиси Виталий Денисов Испанияда бўлиб турибди. Ўз клуби «Локомотив» билан, албатта. Россиялик «темирйўлчилар» қишки таътилни Европанинг ўзида ўтказишга қарор қилган.
Жуниор Ахиссан Лендри
Мамлакатнинг амалдаги чемпиони икки нафар Кот-д’Ивуарлик футболчини ўз сафига қўшиб олганди. Энди эса кўрик учун учинчи ивуарлик футболчи ташриф буюргани айтилди.
Жуниор Ахиссан Лендри 20 ёшда. У Кот-дъИвуар ёшлар терма жамоаси сафида Африка чемпиони бўлган. 2013 йилги жаҳон чемпионатида эса чорак финалга қадар етиб борган.
Жуниор Ахиссан ўтган мавсумни Киевнинг «Динамо»сида ўтказган. «Локомотив»да илиқ таассурот қолдирса ва келиша олса, фаолиятини Тошкентда давом эттиради.
«Бунёдкор»
Амирликларда бўлиб турган «қалдирғочлар» бунга қадар иккита ўйин ўтказиб, аввалига маҳаллий «Аш-Шааб»ни мағлуб этган, кетидан эса Ганага имкониятни бой берганди. Учинчи ўртоқлик ўйинида Сергей Лушчан билан мамлакат чемпиони бўла олмаётган клуб ва ниҳоят дуранг ҳам ўйнади.
«Бунёдкор» — «Хенан Жиане» (Хитой) 1:1
Голлар: Шаҳзодбек Нурматов. Хитой клубидан ким ва нечанчи дақиқада гол ургани қизиқ бўлмаган ва унинг номи келтирилмаган.13 январь, жума«Бунёдкор» — «Ал-Файсалий» (Саудия Арабистони)
15 январь, якшанба«Бунёдкор» — «Абердин» (Шотландия)
20 январь, жума«Бунёдкор» — Иордания
«Насаф»
Қаршининг «Насаф» клуби Европа жамоалари билан ўртоқлик ўйинида майдонга тушиши, бироқ кейинроқ Анталиядаги шамол биринчи учрашувга ҳалал бергани маълум қилинганди. 11 январь куни Рўзиқул Бердиев жамоаси 2 та учрашув ўтказди.
Биринчисида Кипр, иккинчисида эса Озарбайжон клуби мағлуб этилди. Фозил Мусаев, Азамат Алланиязов, Шуҳрат Муҳаммадиев, Артур Геворкян, Эркин Бойдуллаев каби футболчилар жамоани тарк этган бўлса-да, «Насаф» барқарорлигини сақлаб турибди.
«Насаф» — «АЭК» (Кипр) 1:0
Гол: Шаҳбоз Эркинов, 55 (1:0).«Насаф» — «Нефтчи» (Озарбайжон) 1:0
Гол: Фарруҳ Сайфиев, 67 (1:0).15 январь, якшанба«Насаф» — «Ботошани» (Руминия)
16 январь, душанба«Насаф» — «Сумгаит» (Озарбайжон)
18 январь, чоршанба«Насаф» — «Карпати» (Украина)
20 январь, жума«Насаф» — «Шахтёр» (Қозоғистон)
Изоҳ (0)