Тошкентнинг «Бунёдкор» клуби БААда давом этаётган қишки йиғинида навбатдаги ўртоқлик учрашувини бугун, 10 январь куни Гана терма жамоасига қарши ўтказди.
«Sports.uz»нинг маълум қилишича, «қалдирғочлар» 0:2 ҳисобида имкониятни бой берди. Учрашувда голларга захирадан майдонга туширилган Асамоа Гьян ва Франк Ачеампонг муаллифлик қилди.
Қайд этиш керакки, Гана терма жамоаси асосий таркиб футболчилари билан «Бунёдкор»га қаршилик қилди. Таркибда Англия Премьер-лигасида тўп сурадиган Андре Айю («Вест Ҳэм»), Даниэль Амарти («Лестер»), Чемпионшипда ўйнайдиган Жордан Айю («Астон Вилла»), трансфер ҳуқуқи «Шанхай СИПГ» клубига тегишли ва айни вақта БААнинг «Ал-Аҳли» клубида тўп сураётган Асамоа Гян каби таниқли футболчиларни кўриш мумкин бўлди.
Аввароқ Сергей Лушчан қўли остидаги жамоада сербиялик футболчилар Александар Игнатович ва Душан Мичич кўрикдан ўтаётгани ҳақида хабар берилганди. Ҳар икки легионер Ганага қарши ўйинда иштирок этди.
Маълумот учун, «Бунёдкор» БААдаги йиғини доирасида ўтказилган илк ўйинда маҳаллий «Аш-Шааб»ни 2:1 ҳисобида мағлубиятга учратганди. Тошкентликлар йиғин давомида яна 4 та ўртоқлик ўйини ўтказишни режалаштирган.
11 январь. «Бунёдкор» — «Хенан Жиане» (Хитой)
13 январь. «Бунёдкор» — «Ал-Файсалий» (Саудия Арабистони)
15 январь. «Бунёдкор» — «Абердин» (Шотландия)
20 январь. «Бунёдкор» — Иордания
«Бунёдкор» – Гана термаси 0:2
Голлар: 0:1 — 65 Асамоа Гьян, 0:2 — 75 Франк Ачеампонг.«Бунёдкор»: М.Зуҳуров, Д.Аҳмадалиев, А.Игнатович, I.Қобилов, А.Комилов, М.Душан, Д.Ҳамдамов, О.Шукуров, Э.Шомуродов, Ж.Эсонқулов, В.Чемиртан.
Гана: Дауда (Разак), Аффул (Йиадом, 46), Баба (Тетте, 82), Бое (Гйима), Менса (Амарти), Вакасо (Офори), Атсу (Аскуа, 76), Баду (Парти), Жордан Айю (Асамоан Гьян),Тектепей (Ассифуа, 76), Андре Айю (Франк Ачеампонг).
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)