«Sports.uz» нашри «Манчестер Юнайтед» жамоаси футболчилари машғулотларга қандай машиналарда келиши ҳақида маълумот берди. Жамоа футболчилари орасида қимматбаҳо машиналарни ёқтирадиганлари талайгина. Лекин жаҳон даражасидаги айрим юлдузлар оддий машиналарни танлагани мухлисларни ҳайратга солмоқда.
Генрих Мхитарян
Фото: «Sports.uz»Майдондаги тезкор ҳаракатлари билан мухлисларни хурсанд қилаётган Генрих Мхитарян бош мураббий Жозе Моуринонинг машғулотларига кеч қолмаслик учун ўта тезкор Lamborghini’да келади.
Златан Ибраҳимович
Фото: «Sports.uz»Ҳафтасига 220 минг фунт топаётган швециялик Златан Ибраҳимович ўз ватанида ишлаб чиқариладиган оддий ва ўта ишончли, нархи футболчининг қарийб бир кунлик маошига тенг – 32 минг фунт турадиган Volvo машинасида юради.
Матео Дармиан
Фото: «Sports.uz»Матео Дармиан ҳам ҳашаматга йўқроқ. У 30 минг фунтга баҳоланаётган Jeep Wrangler йўлтанламасида юришни хуш кўради.
Бастиан Швайнштайгер
Фото: «Sports.uz»«Манчестер Юнайтед»да ишлари юришмаётган Бастиан Швайнштайгер машғулотларга оддийгина Mini Cooper’ни миниб келади.
Серхио Ромеро
Фото: «Sports.uz»Манкунианларнинг захирадаги посбони Серхио Ромеро арзон ва оддий машина Fiat 500 соҳиби саналади.
Фил Жонс
Фото: «Sports.uz»Англиялик ҳимоячи энг қимматбаҳо машиналардан бири – Bentley’ни сотиб олган.
Уэйн Руни
Фото: «Sports.uz»
Кейинги йилларда тезлиги сезиларли даражада пасайган «МЮ» сардори Уэйн Руни бу камчиликни бартараф этиш мақсадида тезкор машиналардан ҳисобланган BMW i8 русумли автомобилни ҳайдайди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)