Лутфулла Тўраев «Фелда Юнайтед» сафида Малайзия вице-чемпиони бўлди ва клубни тарк этди

Ўзбекистонлик футболчи Лутфулла Тўраевнинг Малайзиядаги фаолияти ўз якунига етди ва у ортга қайтиб келди, деб хабар берди «Championat.asia».

Ўзининг Ўзбекистондаги сўнгги мавсумини «Локомотив» сафида ўтказган ва мамлакат чемпиони бўла олмаган Лутфулла Тўраев, Малайзия клубида ҳам кумуш медаль билан чекланди. У ҳаракат қилган «Фелда Юнайтед» Малайзия чемпионатини 2-ўринда якунлади.

Тўраев 2016 йилнинг 7 январь куни «Фелда Юнайтед» футболчиси сифатида таништирилганди. Орадан бир йил ўтиб у эркин агентга айланди. Тахминларга кўра, футболчи фаолиятини «Олмалиқ»да давом эттириши мумкин.

Маълумот учун, 2017 йилнинг 4 январь ҳолатига кўра Малайзия чемпионатида 2 нафар ўзбекистонлик футболчи бор: Дилшод Шарофутдинов («Т-Тим») ва Бобур Акбаров («Куала-Лумпур»).

Айни вақтда Малайзиянинг «Т-Тим» клуби яна икки нафар ўзбекистонлик футболчига даъвогар бўлиб турибди: Фарҳод Тожиев ҳамда Шавкат Саломов. Аввалроқ Павел Смоляченко ҳам мазкур клуб сафида кўрикда бўлиб қайтганди.

2016 йилги мавсум сўнггида «Т-Тим» Ўзбекистон олий лигаси тўпурари Темурхўжаев Абдухолиқовни ҳам ўз сафига қўшиб олишни истаганди. Ўзбекистон миллий терма жамоаси бош мураббийи Самвел Бабаяннинг принципларига тўғри келмайдиган футболчи эса «Локомотив» билан яна бир йиллик келишувга эришди.