Самолёт йўловчиси «Самолётлар нега ҳалокатга учрайди?» шоусини томоша қилишга мажбур бўлди

Gizmodo нашри ходими Кара Роуз Дефэбио Нью-Йоркдан Сан-Францискога парвоз давомида самолёт бортининг кўнгилочар тизимида «Самолётлар нега ҳалокатга учрайди?» телесериалини кўриб қолди ва уни томоша қилишга мажбур бўлди. Бу ҳақда Meduza хабар бермоқда.

Дефэбио сериал суратини Twitter’га жойлаши билан учувчи самолёт турбулентлик ҳудудига кираётганлигини эълон қилган.

«Қўлим кафтлари терлаб кетди, шундан кейин нам бармоқларимдан тачскрин бузилиб қолди. Канални бошқасига ўтказа олмадим ва компьютердаги авиаҳалокатларни томоша қилдим», — дейди у.

«Агар JetBlue йўловчилар хотиржамлигини сақлашга уринса, улар маълум бир кўрсатув, айниқса, ‘Самолётлар нега қулайди?’ каби шоуларни истисно этиши лозим», — деб таъкидлайди Gizmodo нашри.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.