Златан Ибраҳимович ўз ҳайкали олдида суратга тушди. У ҳаётлигида ҳайкали ўрнатилган биринчи футболчи эмас

«Манчестер Юнайтед» клубининг швециялик ҳужумчиси Златан Ибраҳимович Instagram’даги саҳифасига ўз ҳайкали олдида тушган суратини юклади.

«Нью-Йоркка келганингизда, Озодлик ҳайкалин кўрасиз, Швецияга келсангиз – Златан ҳайкалини кўрасиз», – дея ҳайкалининг яқин кунларда ўрнатилиши кутилаётганига шаъма қилиб суратини изоҳлади швециялик футболчи.

Қайд этиш жоиз, Златан Ибраҳимович ҳаётлигида ҳайкали ўрнатилган биринчи футбол намоёндаси бўлмайди. 35 ёшли ҳужумчига қадар Алекс Фергюсон, Тьерри Анри, Зинедин Зидан, Криштиану Роналду ва Лионель Месси сингари футбол вакилларининг ҳайкаллари ўрнатилган.

Тьерри Анри

«Арсенал»нинг афсонавий франциялик футболчиси Тьерри Анрига 2011 йили «Эмирейтс» стадиони олдида ҳайкал ўрнатилган.

Алекс Фергюсон

1986–2013 йиллар давомида «Манчестер Юнайтед» клубини бошқарган сер Алекс Фергюсоннинг бронзада ясалган ҳайкали 2012 йилнинг «Олд Траффорд» стадиони олдида ўрнатилган. Бундан ташқари, «МЮ»га тегишли стадионнинг трибуналаридан бири унинг номига аталган.

Зинедин Зидан

Франциялик собиқ футболчи, «Реал»нинг амалдаги бош мураббийи Зинедин Зидан Италияга қарши 2006 йилги жаҳон чемпионати финалининг энг ёдга қоларли вазиятига сабабчи бўлганди. Зиданнинг Марко Mateрацсига калла қўйган ҳайкали 2012 йили Париж шаҳрида, 2013 йили эса Қатар пойтахти Доҳа шаҳрида ўрнатилган.

Криштиану Роналду

Тўрт карра «Олтин тўп» соҳиби Криштиану Роналдуга 2014 йили ўзи туғилиб ўсган Мадейра шаҳарчасида ҳайкал ўрнатилганди.

Лионель Месси

Аргентина термаси Америка Кубоги–2016 финалида Чилига мағлуб бўлганидан сўнг, Лионель Месси термадаги фаолиятини якунлаши ҳақида эълон қилганди. Мессини ўз фикридан қайтариш учун Буэнос-Айресда унга аталган ҳайкал ўрнатилган эди.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.