Ўзбеклар учун ҳақоратли деб топилган «Эшак» рекламаси, Instagram’да «миллионер»га айланган Шаҳзода, Қоратошдаги «чегирма тирбандлиги» ва куннинг бошқа қизиқарли хабарлари

9 декабрнинг эътиборга молик янгиликлари — «Дарё»нинг кечки дайжестида.

1. Жанубий Корея парламенти мамлакат президентига нисбатан импичмент эълон қилди. Шу тариқа у Жанубий Кореянинг лавозимидан четлатилган биринчи демократик сайланган етакчиси бўлиши мумкин.

2. Ўзбек диаспораси Россиядаги «Эшак» ресторани рекламасини ҳақоратли деб топди. «Ушбу ҳақоратли реклама олиб ташланишига эришмоқчиман», — дейди Обид Туратов.

3. «Самарқанд дарвоза»даги 70 фоизлик чегирма сабаб Қоратош кўчасида катта тирбандлик юзага келди. Қоратош кўчасидаги тирбандликни ечиш учун йўл-патруль хизмати ходимлари иш олиб бораётгани айтилган.

4. Туманли шаҳардан чиройли кадр: Тошкент телеминораси. Туман фонида шаҳарнинг баъзи иншоотлари ўзгача ва такрорланмас кўриниш касб этмоқда.

5. Хонанда Шаҳзодани Instagram’да кузатиб борувчилар 1 миллиондан ошди, Асал, Райҳон ва Лола кейинги ўринларда. Бу Ўзбекистон шоу-бизнесида энг яхши кўрсаткич ҳисобланади.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.