Мексиканинг Тулансинго шаҳрида 6 ноябрь куни ҳаваскор футбол клублари ўртасидаги ўйинда Рубен Ривера Васкес исмли футболчи учрашувни бошқариб борган 59 ёшли рефери Виктор Трехонинг ҳаётига зомин бўлгани ҳақида хабар қилинган эди. YouTube’да мексикалик футболчи ҳакамни уриб ўлдирган ҳолати акс этган видео эълон қилинди.
Видеолавҳада огоҳлантирилган футболчи Виктор Трехонинг юзига зарба бергани ва бунинг оқибатида ҳакам юзи билан майдонга қулаганини кўриш мумкин. Кучли зарбадан сўнг рефери воқеа жойида ҳалок бўлди.
Ҳодиса жойидан яширинган спортчини полиция ходимлари излашда давом этмоқда.
Изоҳ (0)