1932 йили Атлантика океани узра парвоз қилган биринчи аёл – Амелия Эрхарт Lockheed Electra самолётида Ер шари бўйлаб парвозни амалга ошириб, рекорд ўрнатмоқчи бўлганди. 1937 йилнинг 2 июлида у бедарак йўқолган, унинг қолдиқлари эса эндигина аниқланди, деб хабар бермоқда «Корреспондент.net».
Учувчи аёлни қидириш ишлари 1937 йилдан 1939 йилгача олиб борилган эди. 1940 йилда Никумароро маржонлар оролида одам скелети аниқланди ва уни эркакники деб ҳисоблашди. Аммо 2016 йилда олимлар томонидан ўтказилган такрорий экспертиза қолдиқлар Эрхарт сингари бўй ва миллатга мансуб аёлга тегишли бўлиши мумкинлигини кўрсатди.
Халқаро гуруҳ тадқиқотчиларининг фикрига кўра, Никумароро оролида Эрхарт ва унинг штурмани Фред Нунанга тегишли буюмлар бўлган. Хусусан, у ерда куртка парчалари, алюмин қисмлар ва сепкилларга қарши косметик крем қолдиқлари топилган.
Изоҳ (0)