Покистоннинг Карачи шаҳрида икки поезднинг тўқнашуви оқибатида камида 11 киши ҳалок бўлди ва 40 киши жабрланди. Бу ҳақда «ТАСС» хабар бермоқда.
«Касалхонага 11 кишининг жасади олиб келинди, 40 киши турли жароҳатлар билан ётқизилди», — дея маълум қилди шаҳар касалхоналаридан бирининг шифокори. Карачи ва бошқа аҳоли пунктлари ўртасидаги темир йўл қатнови тўхтатилди.
«Синьхуа» агентлигига кўра, станцияда турган поезд тартибга солувчи томонидан адашиб унинг йўлига ўтказилган бошқа поезд билан тўқнашиб кетди. Ҳодиса юзасидан текширув бошланди.
Изоҳ (0)