Испаниянинг «Барселона» жамоаси ҳужумчиси Луис Суарез 2015–2016 йилги мавсус Европа футбол чемпионатларининг энг яхши тўпурари сифатида «Олтин бутса» мукофотини қўлга киритди. Бу ҳақда, клуб матбуот хизматига асосланиб, «ТАСС» хабар бермоқда.
Мукофот мавсум якунларига кўра Европа чемпионатларида энг кўп тўп киритган футболчига берилади. Лауреатни аниқлаш учун махсус коэффициентлар қўлланади, бунда турли Европа лигаларининг даражаси ҳисобга олинади.
«Мен ‘Барселона’га миннатдорлик билдирмоқчиман, у менга ушбу мақсадга эришишда ёрдам берди, — деди Суарез. — Менинг жамоадошларим бунда муҳим роль ўйнади. Фаолиятимни ‘Барселона’да якунлайман деган умиддаман».
Ўтган мавсумда Суарез 40 тўп киритди. Испания чемпионатида урилган ҳар бир гол 2 очко келтиради. Шу тариқа, уругвайлик ҳужумчи 80 очко тўплаб, Европада биринчи натижани қайд қилди.