Осиё Чемпионати—U19. Мезбон Баҳрайн ва Жанубий Корея ёшлари мусобақани ғалаба билан бошлади

13 октябрь куни Баҳрайнда футбол бўйича ёшлар ўртасидаги Осиё Чемпионати старт олиб, «А» гуруҳидаги икки беллашув ўтказилди.

Биринчи бўлиб майдонга Жанубий Корея ва Таиланд терма жамоалари чиқиб келди. Беллашув кореялик футболчиларнинг 3:1 ҳисобидаги ғалабаси билан якунига етди.

Турнирнинг иккинчи ўйинида Баҳрайн ёшлари Саудия Арабистони термасини 3:2 ҳисобида таслим қилди. Беллашувда 2 та гол фарқи билан олдинда бораётган мезбонлар, кейинроқ иккита гол ўтказиб юборганди. Ҳакам томонидан қўшиб берилган дақиқанинг тўртинчисига келиб Баҳрайн дурангдан қутулиб қолди.

Осиё Чемпионатида Ўзбекистон ёшлар терма жамоаси «D» гуруҳидан жой олган бўлиб, Жасур Абдураимов бошчилигидаги жамоа ўзининг илк учрашувини 15 октябрь куни Тожикистонга қарши ўтказади. Гуруҳда, шунингдек, Хитой ва Австралия термалари бор.

Ёшлар ўртасидаги Осиё Чемпионатида ярим финалга қадар етиб борган мамлакат вакиллари 2017 йил Жанубий Корея мезбонлик қиладиган мундиалда иштирок этади. Борди-ю, Жанубий Корея термаси қитъа биринчилигининг ярим финалига қадар етиб келса, у ҳолда тўртинчи йўлланма учун чорак финалда мағлуб бўлган термалар курашга киришади.