«Ўзбекистон республика валюта биржаси» компанияси валюта биржаси фаолиятини амалга ошириш учун Ўзбекистон Марказий банкидан лицензия олди. Бу ҳақда Марказий банк матбуот хизмати хабар бермоқда.
«Ўзбекистон Марказий банки бошқарувининг қарорига асосан «Ўзбекистон республика валюта биржаси» акциядорлик жамиятига валюта биржаси фаолиятини амалга ошириш учун лицензия берилди», — дейилади хабарда.
Маълумот учун, Ўзбекистон республика валюта биржаси 1992 йил май ойида ташкил этилган бўлиб, фаолиятининг мақсади валюта бозори, давлат қимматли қоғозлари бозори ва пул бозорида биржа савдоларини ташкил этилиши ва ўтказилишини таъминлашдан иборат.
Изоҳ (0)