ICTExpo – 2016 кўргазмасида Ucell компанияси муваффақиятли иштирок этди

21—23 сентябрь кунлари Тошкент ва Наманган шаҳарларида ICТWееk – 2016 ахборот-коммуникация ҳафталиги доирасида анъанавий ICTExpo – 2016 ахборот технологиялари миллий кўргазмаси бўлиб ўтди.

Ucell компанияси кўргазма якунига кўра иккита мукофот: Тошкентда – «Энг яхши реклама компанияси», Наманганда – «Стенддаги энг яхши намойиш» номинациялари ғолиби, деб топилди. Мазкур мукофотлар минглаб абонентларнинг компаниямизга бўлган ишончи ва танловининг ифодаси ҳам бўлди, деб хабар қилади Ucell матбуот хизмати.

Олдинги кўргазмаларда Ucell компанияси тўрт маротаба «Энг кўп ташриф буюрилган стенд» мукофотига сазовор бўлган эди. Бу гал компаниянинг ижодкор жамоаси намойишга мобил технологиялар соҳасидаги энг сўнгги замонавий трендларни ҳисобга олган ҳолда ўзига хос ёндашди. Жорий йил компания кўргазмада «Инновациялар барчага!» шиори остида қатнашди ва бу ташриф буюрувчиларга соҳадаги сўнгги янгиликлар билан танишиш ва мобил интернетнинг энг юқори тезлигини баҳолаш имконини берди. Кўргазмада 4G технологиялари ва хизматларига алоҳида эътибор қаратилди. Компания мутахассислари тўртинчи авлод тармоғининг афзалликлари, хусусан, бугунги кунда Ўзбекистонда Ucell томонидан тақдим этилаётган ва Тошкент, Бухоро, Самарқанд, Навоий вилоятларини қамраб олган 4G тармоғи тўғрисида батафсил маълумот берди. 4G хизматидан бугунги кунда мазкур технологияни қўллаб-қувватловчи смартфон ва сим-картага эга бўлган мижозлар фойдаланмоқда. Инновациялардан фойдаланиш учун кенг имкониятлар яратаётган компания барча хоҳловчиларга ўз сим-карталарини 4G технологиясини қўллаб-қувватловчи сим-карталарга бепул алмаштириш имконини тақдим этмоқда.

Ucell компаниясининг ICTExpo – 2016 кўргазмаси доирасида ўтказган акцияси якунига кўра, абонентлар 150 дан зиёд қимматбаҳо совға, жумладан, Android One, Samsung Galaxy Ace Style мобил телефонлари, 3G ва 4G модемларини ютиб олди.

Ucell компанияси интерфаол шаклда ўзининг асосий тариф ва хизматларини ҳам намойиш қилди. Кўргазма доирасида «Бахтли 25» тариф режаси, «Кўпроқ позитив» акцияси, «Мобил анонс», «1 сим-карта – икки мамлакат», «Рақамни бронлаш» хизматлари, «Сизни қадрлаймиз» янги дастури тақдим этилди.

Ucell Ўзбекистонда ўз бизнесини ривожлантиришда компания хизматидан фойдаланувчилар қизиқиш ва истакларини доимо инобатга олмоқда. Диёримизда олтин куз фасли давом этмоқда. Ucell компаниясида эса сизни яна кўплаб қизиқарли акциялар кутмоқда.

Реклама ҳуқуқи асосида. Хизматлар лицензияланган.