«РИА Рейтинг» рейтинг агентлиги МДҲ мамлакатлари банк секторини тадқиқ қилиб, 2016 йилда МДҲ банк бозорида етакчилик қилган банклар рейтингини тузди, деб ёзади «Review.uz».
МДҲнинг 200 та энг яхши банклари рўйхатига Ўзбекистоннинг 11 та банки киритилди. Улар етакчилар жадвалида қуйидагича жойлашди:
- 30-ўрин: Ўзбекистон Республикаси Ташқи иқтисодий фаолият миллий банки (банкнинг мамлакат банк тизими активларидаги ҳиссаси — 24,2%);
- 58-ўрин: Ўзсаноатқурилиш банк (13,5%);
- 65-ўрин: «Асака» банки (11,1%);
- 93-ўрин: Ипотека банк (6,7%);
- 95-ўрин: Қишлоқ қурилиш банк (6,4%);
- 112-ўрин: Халқ банки (5,4%);
- 117-ўрин: Агробанк (4,9%);
- 124-ўрин: Hamkorbank (4,6%);
- 138-ўрин: КDB банк Ўзбекистон (4%);
- 176-ўрин: Ипак йўли банки (2,7%);
- 179-ўрин: Капиталбанк (2,7%).
Рейтингда Россиянинг «Сбербанк»и етакчилик қилди. 2016 йил 1 январь ҳолатига кўра, унинг активлари 311,35 миллиард долларни ташкил этади, мамлакат банк тизими активларидаги улуши эса 28,7 фоизга тенг. Рейтингда 1-ўриндан 12-ўрингача бўлган поғоналарнинг барчасини Россия банклари эгаллади.
Банклар активлари халқаро стандартларга мувофиқ консолидация қилинмаган аудит ҳисоботлари маълумотлари асосида баҳоланди, бундай маълумотлар мавжуд бўлмаган тақдирда, миллий стандартларга кўра аудит ҳисоботи қўлланилди.
Изоҳ (0)