Ўзбекистонлик аёл гроссмейстерлар сони икки нафарга етгани ҳақида «Оламспорт» маълум қилди.
Эътиборлиси, уларнинг ҳар иккиси бир оила аъзолари, деб ёзилади хабарда. Аввалроқ Нафиса Мўминовага гроссмейстерлар сафига қўшилиш насиб қилган бўлса, эндиликда унинг синглиси Гулруҳбегим Тоҳиржоновага шундай бахт насиб қилди.
Мўминовлар хонадонидан бўлган бу икки қиз Озарбайжон пойтахти Боку мезбонлик қилган Бутунжаҳон Шахмат Олимпиадасида Ўзбекистон шарафини ҳимоя қилиб, терма жамоанинг 22-ўриндан жой олишида меҳнат қилди. Фестиваль вақтида Гулруҳбегим Тоҳиржонованинг халқаро гроссмейстер бўлгани расман маълум қилинган. Шу йилнинг 26 апрелида эса унинг гроссмейстер талабини бажаргани хабар қилинганди.
Изоҳ (0)