Англиянинг «Эвертон» жамоаси саратон касаллигига чалинган «Сандерленд» клубининг 5 ёшли мухлиси Брэдли Лоурининг даволанишига 240 минг евро ажратди. Бу ҳақда Ливерпуль шаҳри клуби матбуот хизматига таяниб, «Газета.ru» хабар бермоқда.
12 сентябрь куни Англия чемпионати 4-тур сўнгги ўйинида «Сандерленд» жамоаси ўз майдонида «Эвертон» футболчиларини қабул қилди. «Эвертон»нинг 3:0 ҳисобидаги ғалабаси билан якунланган ўйиндан аввал Лоури футболчиларни майдонга бошлаб чиқди.
Хабарда қайд этилишича, болакайнинг ота-онаси унинг даволаниши учун керакли бўлган 830 минг еврони йиғиш учун барча имкониятни ишга солмоқда. «Эвертон» ўз мухлисларини мазкур акцияни қўллаб-қувватлашга ва Брэдлига саратон билан курашишга ёрдам беришга чақирди.
Изоҳ (0)