Apple компанияси бундан буён янги авлод смартфонлари сотувга чиқарилганининг илк дам олиш кунларигача қанча миқдорда сотилгани ҳақидаги маълумотларни эълон қилмайди. Бу ҳақда, Reuters’га асосланиб, TJournal хабар бермоқда.
Кўпгина таҳлилчиларнинг фикрича, бунинг сабаби iPhone шуҳратининг энг юқори босқичидан ўтиб бўлганидадир — эндиликда компания ҳар йили рекорд даражадаги харидлар ҳақида хабар бера олмайди.
«Маълумот қанча кам бўлса шунча ёмон. Айниқса атрофидаги саволлар шусиз ҳам кўп бўлган янги авлод iPhone’га келганда», — деди BGC Partners таҳлилчиси Колин Гиллис.
Баъзи экспертлар эса харидларнинг дастлабки уч куни эмас, балки биринчи ойи муҳимлигини таъкидламоқда.
Компания вакиллари бу қарорни қуйидагича тушунтирди:
«iPhone’нинг дастлабки харидлари талабга эмас, кўп жиҳатдан қанча ускуна сотувга чиқарилганига боғлиқ эди. Шу боис биз бу кўрсаткич ортиқ инвесторларимиз ва мижозларимиз учун муҳим эмас, деган қарорга келдик».
iPhone харидларидан олинадиган даромад компания умумий даромадининг деярли ярмини ташкил этади.