Бугун,

  • USD 11014.01
  • RUB 191.8
  • EUR 10674.78

КХДР томонидан фитналарнинг давом эттирилиши халқаро ҳамжамият томонидан босим кучайтирилиши ва мамлакатнинг яккаланиб қолишига олиб келади. Бу ҳақда АҚШ президенти Барак Обама Жанубий Корея президенти Пак Кин Хе билан Лаосда ўтказган музокаралари якуни бўйича маълум қилди, дея хабар беради «ТАСС».

Фото: AP

Фото: AP

«Бироқ улар (КХДР расмийлари) халқаро мажбуриятлари ва Корея ярим ороли ядро воситаларидан холи бўлиши зарурлигини тан олишга тайёр бўлса, мулоқот учун имкониятлар мавжуд. Биз Шимолий Кореяга нисбатан тажовузкорона муносабатдан манфаатдор эмасмиз», — дея таъкидлади Обама.

АҚШ президенти Жанубий Корея билан музокаралардаги асосий мавзулардан бири Пхеньян томонидан яқинда ўтказилган ракета синови бўлганини билдирди.

Эслатиб ўтамиз, икки давлат раҳбари учрашуви арафасида Шимолий Корея «Нодон» туридаги учта баллистик ракетани учирди. Улар 1000 километрга яқин масофани босиб ўтиб, Япония ҳаво ҳужумига қарши мудофааси идентификация ҳудудига келиб тушди.

Изоҳ
Асосий янгиликлар