Ўз вақтида Украина лигасида тўп сурган ўзбекистонлик футболчи Санжар Турсунов Қатардаги фаолиятидан кейин яна Украинага қайтишга қарор қилди.
«Championat.asia» футболчи «Ворскла» билан шартнома имзолагани ҳақида хабар берди. Қатарнинг «Умм Салал» клубига қадар ҳам Турсунов «Ворскла» шарафини ҳимоя қилган бўлиб, 61 та беллашувда 10 та гол уриб, 9 та голли пас узатган.
Санжар Турсунов Ўзбекистон миллий терма жамоаси сафида 49 ўйинда иштирок этиб, 5 та гол уришга муваффақ бўлган.
Изоҳ (0)