Бокснинг 52 килограммгача бўлган спортчилар ўртасидаги Олимпиада мусобақасида Ўзбекистон шарафини ҳимоя қилган Шаҳобиддин Зоиров Рио—2016 олтин медали учун россиялик Михаил Алоян билан рингга чиқди.

Foto: Sports.uz

Фото: Sports.uz

Дастлабки раунд россиялик чарм қўлқоп устасининг фойдасига ҳал бўлди. Иккинчи раундда эса Шаҳобиддин Зоировнинг қўли баланд келди. Ҳал қилувчи раунд Рио—2016 олтин медали эгасини аниқлаб бериши керак эди.

Учинчи раундда Шаҳобиддин аниқ зарбалари билан ажралиб турди ва жангни ўз фойдасига ҳал қилиб, Рио—2016 Олимпиадаси чемпионига айланди.

Бу Ўзбекистон делегацияси учун Риодаги учинчи олтин бўлди. Шаҳобиддинга қадар боксчи Ҳасанбой Дўстматов ва оғир атлетикачи Руслан Нуриддинов Олимпиада—2016 шоҳсупасининг энг юқорисидан жой олганди.

Шаҳобиддин Зоиров финал жангига қадар ирландиялик Брендан Ирвин (1/16 финал), америкалик Антонио Варгас (1/8 финал), озарбайжонлик Элвин Мамишзаде (1/4 финал), венесуэлалик Йоэл Ривас каби спортчиларни мағлуб этишга муваффақ бўлганди.