Англиянинг «Ливерпуль» клуби Испания чемпиони «Барселона»ни тор-мор келтирди — 4:0. Халқаро Чемпионлар Кубогининг мазкур учрашувига Лондондаги «Уэмбли» стадиони мезбонлик қилди.
89 845 нафар ишқибоз кузатиб борган ўйинда АПЛда мавсум якунларига кўра 8-ўрин билан кифояланиб, якунда халқаро майдон йўлланмасини қўлга кирита олмаган «Ливерпуль» йирик ҳисобда зафар қучди. Ўйин «Уэмбли» стадиони тарихида энг кўп мухлис ташриф буюрган иккинчи ўйин сифатида эсланадиган бўлди.
Юрген Клопп бошчилик қилаётган «Ливерпуль» турнирдаги биринчи ўйинда «Челси»дан 0:1 ҳисобида енгилган бўлса, иккинчи ўйинда «Милан» устидан 2:0 ҳисобида муваффақият қозонганди. Натижада инглиз клуби 6 очко ишлашга муваффақ бўлди.
«Барселона» ҳам 6 очко жамғара олди. Клуб аввалига «Селтик» (3:1), кейин эса «Лестер» (4:2) устидан ғолиб чиққанди.
International Champions Cup—2016 6 август, шанба Лондон, «Уэмбли»
«Ливерпуль» — «Барселона» 4:0
Голлар: Садио Мане, 15 (1:0). Хавьер Маскерано, 47-авт (2:0). Дивок Ориги, 48 (3:0). Груйич, 90 (4:0).«Ливерпуль»: Миньоле, Клайн, Ловрен, Клаван, Жан (Стюарт, 46), Милнер (Морено, 42), Вейналдум, Лаллана (Хендерсон, 46), Коутиньо (Ориги, 46), Фирмино, Мане.
«Барселона»: тер Стеген (Браво, 46), Видаль (Серхи Роберто, 46), Мате, Камара, Маскерано, Бускетс, Туран, Денис Суарес, Месси, Суарес, Мунир.
Изоҳ (0)