Тошкентнинг Шимолий Олмазор мавзесида Lacetti автомобили иштирокида йўл-транспорт ҳодисаси юз берди. Бу ҳақда Facebook’даги «Водители Ташкента» гуруҳида фотохабар қолдирилган.
Хабарга илова қилинган суратларда дарахтга урилиб турганини кўриш мумкин бўлган автомобиль ҳодиса оқибатида ўзининг дастлабки шаклини тиклаб бўлмас даражада ўзгартирган.
Ҳодиса айнан қачон юз бергани ҳақида аниқ маълумот йўқ. Фойдаланувчиларнинг ёзишича, мазкур авария натижасида ҳайдовчи ҳалок бўлган. Суратларда қутқарувчиларни ҳам кўриш мумкин.
Авария қандай юз бергани, унда суратдаги Lacetti’дан бошқа транспорт воситалари ҳам иштирок этган-этмагани ҳақида расмий маълумотлар йўқ.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)