Тошкент чорраҳаларига ўрнатилган камералар ёзиб олган аварияларнинг навбатдаги жамланмаси эълон қилинди

Тошкент шаҳри чорраҳаларига ўрнатилган кузатув камералари ёзиб олган йўл-транспорт ҳодисаларининг навбатдаги қисқа жамланмаси Mover видеохизматига жойлаштирилди. Бу ҳақда Facebook’даги «Водители Ташкента (Drivers.uz)» гуруҳида хабар қолдирилган.

Видеожамланмага 2016 йилнинг 6 мартидан 16 майгача бўлган оралиқда юз берган олтита йўл-транспорт ҳодисаси киритилган. Видеодаги қарийб барча авариялар ҳайдовчиларнинг светофор ишораларига бўйсунмаслиги ёки устунликка эга бўлган ҳаракат иштирокчисига йўл бермаслиги оқибатида содир бўлган.

Бунгача Тошкент чорраҳаларига ўрнатилган камералар ёзиб олган йўл-транспорт ҳодисаларининг иккита видеожамланмаси эълон қилинган эди.

• Йўл беринг, қизилда ўтманг: Тошкент чорраҳаларига ўрнатилган камералар ёзиб олган авариялар

• Эҳтиёт бўлинг, пиёдалар! Тошкент чорраҳаларига ўрнатилган камералар ёзиб олган пиёдалар иштирокидаги авариялар

2016 йилнинг январида Тошкентдаги 100 дан ортиқ катта чорраҳалар видеофиксация воситалари билан таъминлангани ҳамда улар синов тартибида ишга тушгани маълум қилинган эди. Ўзбекистон Ички ишлар вазирлиги Йўл ҳаракати хавфсизлиги бош бошқармаси матбуот хизмати раҳбари муовини Мансур Риҳсиевнинг «Дарё»га маълум қилишича, «фото- ва видеофиксация воситалари орқали аниқланган қоидабузарликларга нисбатан жарималар қўллаш амалиёти тўлиқ тартибда ишга тушишидан 10 кун аввал бу ҳақда ОАВ орқали жамоатчиликка ахборот берилади».

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.