Toshkentning Shimoliy Olmazor mavzesida Lacetti avtomobili ishtirokida yo‘l-transport hodisasi yuz berdi. Bu haqda Facebook’dagi “Voditeli Tashkenta” guruhida fotoxabar qoldirilgan.
Xabarga ilova qilingan suratlarda daraxtga urilib turganini ko‘rish mumkin bo‘lgan avtomobil hodisa oqibatida o‘zining dastlabki shaklini tiklab bo‘lmas darajada o‘zgartirgan.
Hodisa aynan qachon yuz bergani haqida aniq ma’lumot yo‘q. Foydalanuvchilarning yozishicha, mazkur avariya natijasida haydovchi halok bo‘lgan. Suratlarda qutqaruvchilarni ham ko‘rish mumkin.
Avariya qanday yuz bergani, unda suratdagi Lacetti’dan boshqa transport vositalari ham ishtirok etgan-etmagani haqida rasmiy ma’lumotlar yo‘q.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)