Тошкентнинг Шота Руставели ва Бобур кўчалари чорраҳасида 29 июлга ўтар кечаси Chevrolet Spark ва Chevrolet Cobalt автомобиллари иштирокидаги йирик йўл-транспорт ҳодисаси юз берган.
Facebook’даги «Водители Ташкента (Drivers.uz)» гуруҳида ҳодиса гувоҳлари томонидан қолдирилган хабарларга кўра, авария натижасида Spark ичида бўлган барча кишилар ҳалок бўлган. Айни вақтда, бир гуруҳ фойдаланувчилар баъзи йўловчилар омон қолгани ҳақида ёзмоқда. Бу борада ҳозирча аниқ расмий маълумотлар йўқ.
Ҳодиса қандай рўй бергани тўла аниқ эмас. Гувоҳлардан бирининг қайд этишича, Шота Руставели кўчаси бўйлаб ҳаракатланиб келаётган Spark светофорнинг тақиқловчи қизил чироғига чорраҳага кирган ва Бобур кўчаси бўйлаб аэропорт томонидан келаётган Cobalt унга келиб урилган, натижада Spark ағдарилиб кетган.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)