Москванинг «Внуково» аэропорти қор куровчи машинаси ҳайдовчиси Владимир Мартиненко ва эксплуатация бўлими навбат раҳбари Владимир Леденев Франциянинг Total компанияси раҳбари Кристоф де Маржери самолётининг қулашида айбдорликларини тан олди. Бу ҳақда «Интерфакс» хабар бермоқда.
Бу ҳақда айбланувчилар Москванинг Солнцевск судида ўтган эшитувлар чоғида маълум қилди.
2014 йилнинг 21 октябрига ўтар тунда Франциянинг Total нефть-газ компанияси раҳбари Кристоф де Маржери хорижий инвестициялар бўйича консультацион йиғилишдан қайтаётган эди. Топ-менежер борти — Falcon ҳаво кемаси махсус техника автомобилига тегиб кетиб, олов олди ва қулади. Самолёт бутунлай ёниб кетди, ичкаридаги одамларни қутқаришнинг имкони бўлмади. Фожиа оқибатида Кристоф де Маржери ҳамда экипажнинг уч аъзоси ҳалок бўлди. Самолёт тегиб кетган қор кураш машинаси ҳайдовчисига зарар етмади.
Москванинг Солнцевск туман суди ишни 14 июль кунидан кўриб чиқа бошлаган эди. Жиноий иш бўйича аэродром ва диспетчерлик хизматлари ходимлари — диспетчер Надежда Архипова, парвозлар раҳбари Роман Дунаев, диспетчер Александр Круглов, етакчи муҳандис — фойдаланиш бўлими навбат раҳбари Владимир Леденев ва қор йиғиштириш машинаси ҳайдовчиси Владимир Мартиненко гумондор ҳисобланмоқда.
Изоҳ (0)