БМТ ходими Алеппонинг ўққа тутилиши оқибатида ҳалок бўлди

Фаластинлик муҳожирларга ёрдам бериш ва ишни ташкиллаштириш учун БМТнинг Яқин Шарқ агентлиги ходими (ҳайдовчиси) Алеппода, снаряд парчасининг белига тегиши оқибатида ҳалок бўлди. Бу ҳақда «ТАСС» хабар бермоқда.

Ҳодиса 17 июль, якшанба куни шаҳарнинг ғарбий қисмида, ҳукумат томонидан назорат қилинадиган ва қуролланган гуруҳлар томонидан ўққа тутиб туриладиган қисмида содир бўлди.

Сурияда 4 мингга яқин фаластинлик муҳожирга ёрдам бериш ва ишни ташкиллаштириш Яқин Шарқ агентлиги ходими фаолият юритади. Мамлакатда можаронинг бошланишидан буён агентликнинг 18 нафар ходими ҳалок бўлди, яна 25 нафари бедарак йўқолган.

Агентликнинг асосий мақсади Дамашқ, Хомс, Хама, Латакия ва Алеппода яшайдиган 450 минг фаластинлик муҳожирга ёрдам беришдан иборат.