Ўзбекистон олча етиштириш бўйича жаҳонда бешинчи ўринда туради. Бу ҳақда World Atlas нашри маълум қилди.
Порталда жаҳон миқёсида олча етиштирилишига бағишланган кенгайтирилган материал эълон қилинди. Мақоланинг статистик қисмида келтирилган жавдал ва диаграммаларга кўра, олча етиштириш бўйича биринчи ўринда Туркия туради — йилига 494325 тонна. Кучли учликка, шунингдек, АҚШ (301205) ва Эрон (200000) киради.
Ўзбекистон йилига 100000 тонна кўрсаткич билан бешинчи ўринда турибди. У йилига 131175 тонна олча етиштирадиган Италиядан ортда қолмоқда.