Францияда давом этаётган Европа Чемпионатининг иккинчи ярим финалчиси Уэльс бўлди. Чорак финалда Бельгияга қарши саф тортган Крис Коулмен шогирдлари 3:1 ҳисобида муваффақият қозонди.
Беллашувнинг 13-дақиқасида Раджа Наингголан бельгиялик футболчиларни ҳисобда олдинга олиб чиқди. Бу гол Наингголан учун Европа Чемпионатидаги иккинчиси эди.
Шундан кейин Еврода илк марта иштирок этаётган Уэльс ўз иродасини кўрсатди. 31-дақиқада жамоа сардори Эшли Уильямс ҳисобни тенглаштиришга муваффақ бўлди.
Иккинчи бўлим бельгиялик футболчиларнинг устунлиги билан бошланган бўлсада, кейинги иккита гол ҳам уэльслик футболчилар томонидан урилди. 55-дақиқада Робсон-Кану британияликларни ҳисобда олдинга олиб чиқди. 86-дақиқага келиб Сем Воукс якуний натижани ўрнатди — 3:1.
Ярим финалда Уэльс термаси аъзолари Португалия билан тўқнаш келади.
[wpse_match id="371790" show_title=1]
Изоҳ (0)